E to’aono ua maliliu ona o sologā eleele i West Papua ma nisi o loo tau sa’ilia pea.

O le to’aono ua maliliu o tagata faigaluega i le maina ae o lipoti ua ta’ua ai sa aafia lea faaitu i timuga tetele i le amataga o le vaiaso ma taofia ai le sa’iliga o le isi to’a 14 e le’i maua.

O le Aso Faraile na solo ai eleele na aafia ai soifua o le to’aono lea ma e 12 itula e aga’i ai le ‘au fesoasoani ma leoleo i le tama’i nuu lea na aafia ua atili faigatā ai galuega lavea’i ona o le lē lelei foi o auala.

O le masina o Setema o le tausaga talu ai na lipotia ai foi le maliliu o le a itiiti mai, e 15 tagata ina ua faaletonu se tasi o maina i le itumalo o Sumatra i le mae’a foi o sologāeleele ona o timuga.

Puna o Faamatalaga: https://www.rnz.co.nz/international/pacific-news/561526/six-dead-after-landslide-in-west-papua-more-missing