O se kulupu mai Ausetalia e finau mo le manuia o West Papua ua valaau nei i le Palemia o Ausetalia, Anthony Albanese ina ia lāgā le matāupu e faatatau ia West Papua ma ana aiātatau pe a feiloa’i atu i le Peresetene o Indonesia i le vaiaso nei.
O loo iai Albanese i sana malaga asiasi i Indonesia mo aso e lua, ma i lipoti mai le Asia Pacific, ua ta’ua ai le tusi na tuu atu e le kulupu Ausetalia lea i le alii Palemia.
I lea tusi ua talosaga ai i le ta’ita’i o Ausetalia e una’ia le faigamalo a Indonesia e faataga le Hai Komesina a Malo Aufaatasi mo aiātatau e asia West Papua e su’esu’e le tulaga o loo oia ai aiātatau i lea teritori.
E iai isi kulupu faapea foi o loo finauina se fesoasoani mo West Papua ma e lē o tele ni faamatalaga o avanoa mai ona e foliga e faafaigatā foi ona ulufale ni tusitala i lea faaitu.
Puna o Faamatalaga: https://www.rnz.co.nz/international/pacific-news/561074/pacific-news-in-brief-for-15-may
