E to’atasi le tagata ua faamaonia ua maliu ina ua aafia se vaega o le atunuu i le afā malosi o Kajiki lea e tele mea ua faaleagaina ai ma aveesea mai ai le faitau afe o tagata i itumalo sa aafia.
I le itumalo o Ha Tinh e pei ona lipotia e le CNN e to’atasi le tagata lea ua maliu ai, 144 fale ua aafia i lōlōga ma faaleagaina taualuga i fale e 621.
E malolosi matagi na faaleagaina ai e lē gata i fale ae o laau ma molī auala.
Sa tapunia e leoleo a’oga, nisi o pisinisi ae molimau nisi i le malolosi foi o galu na aafia ai gataifale o le atunuu.
E silia ma le 300 afe vaegā’au a le militeli faapea le Navy, Ea Fosi ma le Coast Guard o loo fesoasoani i galuega faamamā ma lavea’i ae ua faatusa e le faigāmalo a Vietnam le afā malosi lea i le typhoon o Yagi lea foi na aafia ai le atunuu i le tausaga na te’a nei ma maliliu ai tagata e 300.
Puna o Faamatalaga: https://edition.cnn.com/2025/08/25/asia/vietnam-typhoon-kajiki-landfall-intl-hnk
