Ua folafola e Vietnam fuafuaga e aveesea mai ai le silia ma le ‘afa miliona o tagata ma faatonuina le tapunia o pisinisi i le aai o Sanya i le itu i Saute o le atunuu ona o lapata’iga e faatatau i le matagi malosi poo le Typhoon Kajiki.
O lea uiga loulouā o le tau ua fuafua e pasi ane i luga tonu o le itumalo o Hainan i Saina ma faasolo ane ai i Vietnam e pei ona lipotia mai e le vaaitau a Saina.
Fai mai ua faaopoopo le malosi o matagi ma e faatupula’ia pea e oo atu i le 180 kilomita i le itula.
O le faamatalaga la mai Vietnam ua faailoa ai o le a aveesea le tusa ma le 586 afe o tagata mai itumalo ia o le a aafia i le amataga o le vaiaso nei.
Ua faalēaogāina foi ma le silia i le 20 o faigāmalaga a le Vietnam Airlines ma nisi faigāmalaga ua toe tolopō a o tālia ai lea vaega loulouā o le tau ua fautuaina ai le atunuu.
Puna o Faamatalaga: https://edition.cnn.com/2025/08/24/asia/typhoon-kajiki-vietnam-evacuation-china-latam-intl
