Ua alia’e vesiga i Kenya ma ua maliliu ai le silia ma le 30 ae pu’eina ai le silia ma le 500 na auai i solo tete’e pei ona faamaonia mai e le faamatalaga tusitusia mai le Kenya National Commission on Human Rights.
Ta’ua na faaaoga e leoleo kasa faatagi mata e faataape ai le au solo tete’e ao faia se faatasiga e faamanatu ai le 35 tausaga o le faatasiga lea poo le rally e lagolago ai le faatemokarasi i le atunuu. E silia ma le 100 o loo manunu’a.
Ua lipotia le tele o solo tete’e ua vaaia i le atunuu talu mai le tausaga talu ai e faatatau i se pili na siitia ai lafoga totogi a tagata ma siitia ai le tau o le soifuaga.
Na toe aveese e le malo le pili lea ia Iuni tausaga na tea nei peitai na faifaitetele le lē fiafia o tagata ina ua maliu se faiaoga sa taofia i le vaaiga a leoleo atoa ai ma le fanaina e leoleo o se tagata e faatau ana oloa i le auala.
O le laumua la o Kenya o Nairobi lea o loo lipotia mai ai vevesi ma ua fetauaina foi le tafanaina ane o tagata lautele e leoleo ao tālia ai se faamaoniga o ia ripoti.
Puna o Faamatalaga: https://edition.cnn.com/2025/07/07/africa/kenya-police-prodemocracy-protests-intl
