Ua faailoa e le minisita o le va i fafo a le atunuu o Venezuela i le cnn e le o sa’ilia e lona atunuu se fesaga’iga faamiliteli ma le malo tele o Amerika poo se isi foi lava atunuu.
O le faamatalaga lea a Yvan Gil na fai i le ofisa faasalalau a le CNN a o faalogoina ai pea le faifaitetele o le matāupu i le va o Venezuela ma Uosigitone e aofia ai ma le matāupu i le osofa’iga a le Navy a Amerika i se vaa na feta’ua’ina le la’u atu ai o fualaau faasāina i le Atu Karipiane.
E ui la i lana faamatalaga lea e lē o taumafai lo latou atunuu e iai se tulaga e feteena’i ai ma Amerika peita’i ua faailoa foi e le minisita, o lona atunuu foi e sauni lava e tetee atu i ni faamata’u e ono oo atu i le latou atunuu.
O loo tuua’ia e Amerika ma isi atunuu le faigāmalo a le Peresetene o Maduro ona o le taotaomia o lagona faaalia o tagata i upufai a le atunuu, o aiā tatau a tagata atoa ma le lē amana’ia o le faatemokalasi i le atunuu.
Puna o Faamatalaga: https://edition.cnn.com/2025/09/09/americas/venezuela-foreign-minister-exclusive-interview-intl-hnk-latam
