Ua faatonuina e le Peresetene o Amerika o Donald Trump le poloka o le faaulufale ane o vaa suāuu e aga’i ane ma aga’i ese atu ma Venezuela ma o se gaioiga ua matua’i lē fiafia ai lea atunuu.
Ta’ua i lipoti a le BBC na faailoa e Trump i sana tusitusiga o le Peresetene o Venezuela o Nicolas Maduro ma lana faigāmalo ua faatulaga ma faailogaina o se faalapotopotoga faatupu faalavelave faavaomalo ma o loo aofia foi i le ave faananā o fuālaau faasāina aemaise o tagata.
Ua faia ia faamatalaga a Trump ina ua faato’ā mae’a ona pu’eina e Amerika le isi vaa suāuu i gataifale lava o Venezuela i le vaiaso talu ai.
Ua faailoa foi i le lipoti sa faia osofa’iga a Amerika i nisi o vaa o loo feta’ua’ina sa faananā ane ai foi nisi fualaau faasāina.
Ua faia e Amerika nisi sā fou i luga o vaa nei ma faatino ai a latou su’esu’ega ma ua faia ai foi ma ni sā i aiga o Maduro ma pisinisi uma o loo iai aafiaga i lea matāupu.
O loo faaauau pea ona tuua’ia e Venezuela Uosigitone i le sa’ilia o auala e gaoia ai ona punā’oa.
Puna o Faamatalaga: Venezuela denounces Trump’s order for ship blockade as ‘warmongering threats’
