Ua amata nei le faiga o faata’ita’iga tau militeli a Venezuela lea e faapea e tolu aso e faataunuu ai ma ua faaaliali ai ma a latou vaalele tau mai Lusia i se tulaga ua faailoa ai le malosi e pei ona lipotia e le CNN e faasaga ia Amerika aemaise o le faamatuu atu o ana vaatau i le Atu Karipiane.
E silia ma le 2,500 fitafita ua iai nei i luga o le motu o La Orchilla i le Atu Karipiane mo le faatinoina o ia faata’ita’iga ua faaigoa o le Sovereign Caribbean 200.
O faata’ita’iga e aofia ai le ‘ea, sami ma le laueleele.
Ua faailoa e le CNN e 12 vaa a le Navy, 22 vaalele ma le pe ā ma le 20 vaa o le a aofia ai i nei faata’ita’iga e pei ona saunoa ai le Minisita o le Puipuiga a Venezuela i luga o le televise a le atunuu.
Fai mai faamatalaga o nei gaioiga uma a Venezuela ua faia e tali atu ai i le tuu ane e Amerika o ana vaatau i lea itulagi ma o loo finau pea Amerika o ia vaa o loo aga’i atu i le latou misiona e faatatau i le sa’ilia o fualaau faasāina o loo feavea’i i lea itulagi.
Peita’i fai mai le Peresetene o Venezuela o Nicolas Maduro o ia gaioiga a Amerika o loo taula’i atu ina ia suia le faigāmalo a Venezuela.
Puna o Faamatalaga: https://edition.cnn.com/2025/09/18/americas/venezuela-military-drill-russian-jets-intl-latam
