O le Aso Toonai lea ua lipotia mai o le a faataunuu ai toe sauniga o le Tamā Paia, Pope Falanisisi poo Pope Francis e pei ona faamaonia mai e le Vatikano.
E pei ona silafia le tuumalo ai o le faauluuluga o le Ekalesia Katoliko i le Aso Gafua o le Eseta ma faaoo ane ai le anoano o faamaisega mai vaega eseese o le lalolagi.
O toe sauniga o Pope Falanisisi o le a faia lea i St Peters Square ma ua lipotia foi o le a auai ai ta’ita’i o le lalolagi e aofia ai le Peresetene o Amerika, Palemia o Peretania ma isi faaopoopo atu i le faitau afe o tagata o le a aga’i ane i le Vatikano e faailoa le faaaloalo ma alofaaga mo le Tupu Sa.
E iai nisi tulaga masani mo sauniga o ta’ita’i o le ekalesia o le a le faataunuuina ona o le finagalo o Pope Francis a o soifua ma e to’atele ua molimau i le soifua o le Tamā Paia na mafai ona faasoa ma tagata lautele aemaise i latou e itiiti le tamaoaiga ma le taualoa.
Puna o Faamatalaga: https://www.bbc.com/news/articles/c4g8ry3x172o
