Ua faatulaga o le a toe foi faia’oga Vanuatu ia latou galuega i le tausaga fou ina ua lipotia le iai o se tasi o maliega fou ua taunuu iai feutana’iga i le va o le latou iuni ma le malo.

Ua faailoa i le lipoti o le vaiaso nei lava na folafola ane ai e le malo lea faai’uga ma faailoa ai ua mae’a soalaupule le matāupu.

O Iuni o le tausaga talu ai na amata ai le solo tetee a faia’oga a le atunuu e māfua lava i totogi.

O se matāupu na oo i le faamasinoga ma tuuina mai ai le latou faai’uga o loo faatulafonoina le solo tetee a faia’oga.

Fai mai le failautusi o le asosi o faia’oga Vanuatu, o le manumālō e mo faia’oga uma o le atunuu ma e faafetaia foi le malo i le taliaina o le talosaga sa faaleo ai o latou lagona aemaise o le amana’iaina foi o le latou auaunaga i alo ma fanau a Vanuatu.

Puna o Faamatalaga: https://www.rnz.co.nz/international/pacific-news/582597/vanuatu-teachers-to-return-to-classrooms-in-2026-after-multi-billion-vatu-government-settlement