O le faai’uga a le faigamalo a Vanuatu e toe apili le faai’uga a le Faamasinoga Maualuga e faatatau i le faatulafonoina o solo tetee a faia’oga i le atunuu atoa, ua talia lelei e le iuni o faia’oga.
O le faai’uga a le faamasinoga ua faalēaogā ai le faai’uga a le komisi o auaunaga tau faia’oga le Teaching Service Commission e faamuta lē tumau galuega a le silia i le 600 o faia’oga na auai i le solo tetee na faia i le aso 30 o Me.
Fai mai le faamasinoga o le solo tetee na faia na amata mai lava ia Iuni o le tausaga talu ai o loo ogatasi lava ma le tulafono.
Faailoa ai se finagalo o le failautusi o le iuni a faia’oga Vanuatu, Jonathan Yona i le RNZ e faapea o le solo tetee sa faia faasaga i totogi ma ua 18 tausaga le umi o lenei matāupu.
Peitai la o lea ua toe apili e le faigamalo le faai’uga mai le faamasinoga ma ua faailoa i finagalo o le to’atele o mātua, e faifai umi lava le matāupu a le vaega lea ma le faamasinoga ae o loo aafia ai lava tulaga tau a’oa’oga a le fanau.
Ua iai foi lipoti ua ta’ua ai e i’u ina faaopoopo pea le aofa’i o faia’oga e auai atu i le finau a le iuni e ui o loo lapata’i malosi ane le malo i faia’oga e le’i aofia i le solo tetee ina ia aua ne’i auai fua iai.
Puna a Faamatalaga: https://www.rnz.co.nz/international/pacific-news/563190/more-teachers-may-strike-in-vanuatu
