Ua sauni nei Vanuatu ma Ausetalia e toe sainia se tasi o maliega tāua i le masina o Setema, o le faamaoniga o le galulue vaavaalua o atunuu e lua ma o la sootaga.
O le maliega na ulua’i sainia i le 2022 e pei ona ta’ua i lipoti a le leitio faavaomalo a Niu SIla ma sa sainia i lalo o aiaiga e aofia ai tulaga tau le puipuiga, fefaataua’iga ma le faalauteleina o auaunaga.
E aofia ai i le maliega le talosaga mai le Palemia o Vanuatu, Jotham Napat ina ia mafai ona malaga mai tagata Vanuatu i Ausetalia e aunoa ma le mana’omia o ni visa.
Ua faailoa i le lipoti a le RNZ se faamatalaga mai le Matāgaluega o le Va i Fafo a Ausetalia (DFAT) e faapea ua fiafia e galulue faatasi ma le malo o Vanuatu i le maliega lea ma aga’i ai foi i luma sootaga.
Puna o Faamatalaga: https://www.rnz.co.nz/international/pacific-news/566543/vanuatu-seeks-visa-free-access-to-australia-before-renewing-strategic-pact
