Ua lata ona sainia se maliega e $500 miliona i le va o Ausetalia ma Vanuatu e pei ona ta’ua e le RNZ ma o lea maliega e faaigoa o le Nakamai Agreement ua fuafua e aofia ai matāupu e pei o le tala o le tau, tulaga o le tamaoaiga ma lona faalauteleina, si’omaga ma isi ae o loo faatalia ai foi se faamautūina mai o fetuuna’iga i le va o atunuu e lua i le matāupu i visa malaga.
Fai mai o le vaiaso nei e feiloa’i ai faipule sinia o Vanuatu ma Ausetalia a o le’i faataunuuina le sainigālima lea i le masina fou.
O le fonotaga tāua i le matāupu lea ua fuafua e faimalaga atu ai le minisita o le va i fafo a Ausetalia o Penny Wong faapea le minisita o le puipuiga Richard Marles, faapea le minisita o matāupu tau le Pasefika Pat Conroy i Vanuatu faatasi ma ta’ita’i sinia o lea atunuu.
Fai mai faamatalaga ua faaauau pea ona faamalosia atili le sootaga o atunuu e lua.
Puna o Faamatalaga: https://www.rnz.co.nz/international/pacific-news/569802/australia-and-vanuatu-close-to-signing-nakamal-agreement-worth-500m
