Ua faailoa i lipoti a le RNZ i le vaiaso nei le faalauiloaina e se tasi o auaunaga tau faasalalau o se matāupu o loo tula’i mai i Vanuatu e faatatau i tusifolau.
Fai mai le lipoti o le tagata e suafa ia Andrew Tate na ia faatauina se tusifolau Vanuatu i le 2022, i le masina lava lea na pu’eina ai o ia e leoleo i Romania.
Ua faailoa e le leitio faavaomalo o Vanuatu e faagaioia ai se faiga tau inivesi e faailoa e nisi e lē fiafia iai, o ituaiga faiga ia o loo tosina atu iai le ausolitulafono ma i latou o loo sosola ese mai ma le tulafono i atunuu i fafo atu o Vanuatu.
Ua faailoa e se sui o le malo o Vanuatu i le ABC, o loo silasila nei le faigāmalo a Vanuatu e faaleaogāina le sitiseni o le tagata lea e suafa ia Tate lea e feta’ua’ina lona maua o le tusifolau e māfua i se inivesi sa faia i Vanuatu pe ā ma le $130 afe tālā Amerika.
Ua ta’ua i le lipoti o le faiga lava lea e tasi a Vanuatu o le citizenship by investment lea ua māfua ai ona aveese e le Iuni a Europa ma le UK le mafai ona malaga atu o le tagata Vanuatu e aunoa ma se visa e mana’omia i o latou atunuu.
Puna o Faamatalaga: https://www.rnz.co.nz/international/pacific-news/563044/vanuatu-to-review-citizenship-after-andrew-tate-reportedly-bought-golden-passport
