O se tamā e 76 tausaga le matua lea ua pu’e e leoleo ina ua masalomia lona tuuina o se vailaau oona i se nofoaga na fai ai se camp a tamaiti, lea ua ta’ua na vaaia le mama’i a o iai i lea nofoaga i Egelani.

Fai mai leoleo na aga’i atu i le camp lea i le nuu o Stathern i le ogatotonu o Egelani ma faia ai siaki o tamaiti.

E to’avalu na ave atu i le falema’i ma ua toe tete’a i tua ma ua mae’a fesoota’i iai leoleo i o latou mātua.

O lē ua pu’eina e 76 tausaga le matua o loo taofia e leoleo i le masalomia o ia na faaonāina tamaiti.

O loo galulue faatasi nei leoleo ma paaga mai ofisa su’esu’e e aofia ai le auaunaga mo tamaiti ina ia faamautinoa e maua lelei le mafua’aga o lenei matāupu.

Ua faate’ia le to’atele i lenei lipoti ma ua faaoo foi faamalosi’au ma fautuaga i aiga o nai tamaiti o loo aafia.

O loo faagasolo nei le su’esu’ega.

Puna o Faamatalaga: https://www.9news.com.au/world/man-arrested-in-uk-over-suspected-poisoning-at-childrens-camp/7ce74285-6181-492d-b3cd-2bb5101de24b