Ua palota i le vaiaso nei le ‘aufaitulafono a le United Kingdom e faasā le kulupu ua faaigoa o le Palestine Action lea o loo latou fuafua e faalavelave i le fuafuaga faagasolo o loo sapalaia ai ‘au’upega i le faigāmalo a Isaraelu.
Ua ta’ua e le CNN i lana lipoti i le asō o sui o le Palemene a le United Kingdom e silia ma le 380 na palota e ioeina le faai’uga ua iai nei faasaga i lea kulupu aemaise ina ua ulufale faamalosi nisi o sui o lea kulupu i le nofoaga aupito telē a Peretania, le air base i le ogatotonu o Egelani ma faaleaga ni vaalele militeli se 2.
Ua folafola e le kulupu lea ua amata nei gaioiga i lo latou aveina o le faigāmalo ma lana faai’uga lea i le faamasinoga ae afai ae aloa’ia le faamamaluina o le sā lea o lona uiga o le ulua’i taimi lea i le talafaasolopito o le UK ua faia ai se gaioiga patino faapea faasaga i se kulupu tetee ua aafia i ni tulafono e faatatau i faiga faatupu faalavelave, ma e ono oo i le 14 tausaga e falepuipui ai se tagata e faamaonia le solia o lea sā.
Puna o Faamatalaga: https://edition.cnn.com/2025/07/02/uk/uk-palestine-action-house-of-commons-latam-intl
