O se tasi o tulaga tāua sa matilatila lona tula’i mai i le sainigā feagaiga a Initia ma le United Kingdom i se taimi e le’i mamao atu o le faai’uga ina ia tatala le maketi a Initia i le ‘aufaatau ma sapalai mai le UK.
O nisi o galuega i Initia e oo le tau i le 39 piliona mai ofisa o le malo initia o le a mafai ona tauofo ane iai kamupani mai le United Kingdom.
Fai mai le BBC o nisi o oloa e faatau e le malo o Initia e maua mai nisi o ofisa ma matāgaluega a Initia o le a mafai ona tauofo ane iai pisinisi mai le UK aemaise i vaega e pei o malosi’aga ma le si’osi’omaga o nisi o vaega sa malupuipuia lelei mai faiga faatauvaga a atumotu i fafo atu.
I lalo o le maliega na sainia o pisinisi mai le UK o loo tauofo mo konekarate a le malo o Initia ae ua mafai foi ona sapalai ane nisi o oloa mai le UK aga’i i Initia.
Ta’ua i le lipoti e moni e iai lu’itau ae foliga o loo sologa lelei pea le faiga faapaaga lea i le va o atunuu e lua.
Puna o Faamatalaga: https://www.bbc.com/news/articles/ce3jy1g5x3go
