Ua faamālōlō nei e Peretania lona amepasa i Amerika o Peter Mandelson ona o ona sootaga i le matāupu e faatatau ia Jeffrey Epstein lea fai mai lipoti ua faaopoopo atu i mafatiaga o le Palemia o iai nei o Peretania o Kier Starmer.
O Mandelson sa faalauiloa i le vaiaso nei sana tusi o le Birthday book e aofia ai faamatalaga mai le faamanatuina o le 50 tausaga o Epstein i le 2003 ma ia ta’ua ai o ia o le uō mamae a lē ua maliu.
E ui la i ia faamaumauga ua agiga e faatatau i le alii amepasa peita’i o loo tu pea Starmer mo le alii amepasa ma ia faailoa ai i le Palemene a lona atunuu e telē lona faatuatuaga o loo tuuina ia Mandelson.
O Epstein na ioe i ona moliaga e faatatau i ni gaioiga matagā na aofia ai ma e 13 masina na falepuipui ai.
I le alia’e ai la o isi faamatalaga faaopoopo i le vaiaso nei e faatatau i le sootaga o le amepasa ma Epstein ua faia ai loa ma le faai’uga a le ofisa o le va i fafo a Peretania ma faamālōlō mai ai loa Mandelson ma ona tofiga.
Puna o Faamatalaga: https://edition.cnn.com/2025/09/11/uk/peter-mandelson-uk-ambassador-fired-intl
