E $397,800 tālā le tau o le maota fou o le fa’amalu o faalapotopotoga tuma’oti i Samoa poo le SUNGO ua mae’a fausia i se fesoasoani mai le malo o Iapani.
O se maota o le a tapuvae tasi iai a’oa’oga a lea faalapotopotoga o loo nafa ma galuega e feasoasoani ai i faalapotopotoga tuma’oti ‘ese’ese o loo avea ma sui o le SUNGO poo le Samoa Umbrella for Non Government Organisation.
O le fanua i Vaitele tai o loo iai le ofisa autu o le faalapotopotoga ua fausia ai le maota tutotonu mo a’oa’oga poo se training center.
O lea foi maota o le a avea ma nofoaga e faia ai fonotaga mo sui auai o le SUNGO.
