O le uluai taimi lenei ua tutusa ai le fuainumera o sui o le Kapeneta o alii ma tamaitai e nofoia le laulau a fono.
O le aso ananafi na faailoa mai ai le suiga o le Kapeneta lea ua seei mai ai le faipule o Northland Willow Jean Prime e na te suia Stuart Nash lea ua faamalolo motu mai le Kapeneta.
O Prime ua tauavea le vaega o faasao faapea tupulaga talavou.
Ae mo isi tofiga sa ia Stuart Nash i le vaega o faatoaga o lea ua tofia ai Peeni Henare, faapea Barbara Edmonds i le Economic Development.
O Rachel Brooking o lea foi ua tulai mai o le minisita i fafo o le Kapeneta e tauavea Oceans and Fisheries.
Ua fai mai ai ma le Palemia Chris Hipkins o le uluai taimi lenei i le talafaasolopito o Niu Sila ua tutusa ai le fuainumera o tamaitai faapea alii i le laulau a le Kapeneta.
Ta’ua e Hipkins e lei faapea a mea na fua agai iai le faaiuga o lea lava sa autilotilo i agavaa o tamaitai minisita ua tofia nei faapea ona tiute o loo tauaveina.
