Ua fana e Ukraine missiles poo a’upega fana mamao mai Amerika aga’i i teritori o Lusia mo le ulua’i taimi ma o se faamatalaga lea mai le malo o Lusia i le mae’a o le aso e tasi talu ona faamatuu ane e le peresetene o Joe Biden le faatagana e faia ai lea gaioiga.

Fai mai Lusia e lima missiles ia na o latou fanaina i lalo ma e tasi le isi na faaleagaina ai nisi o mea ma mu ai se fale o le militeli peitai fai mai ofisa o Amerika e na o le lua missiles na fana i lalo e Lusia mai le 8 ua mae’a ona fana atu e Ukraine.

Ua tuua’ia ai e le minisita o le va i fafo a Lusia o Sergei Lavrov le atunuu o Amerika i le taumafai e faateteleina lea vevesi, fai mai a ia o le a tali ane Lusia i nei gaioiga ma le malamalamaga o a’upega ia na faafoeina e tagata popoto i mea tau militeli mai Amerika ma o le a tali talafeagai ane foi i lea gaioiga ua faia.

O le tali a Amerika i le fesuia’iga ua faia e Lusia i ana faamaumauga tau niukilia ua ta’ua ai o loo tumau pea le tulaga o Amerika i le mataupu lea talu mai le amataga ma ua lagolago atu foi iai ma le Palemia o Peretania, Kier Starmer fai mai a ia, e tumau pea foi le latou lagolago mo Ukraine.

Puna o Faamatalaga: https://www.bbc.com/news/articles/c0mzjm7knw7o