Ua ta’utino Ukraine o lea ua ulufale atu osofa’iga a Lusia i le isi faaitu o lo latou atunuu i se tasi itumalo e tele ai pisinisi ma falegaosi oloa.
Lipotia e le BBC o le ulua’i osofa’iga tele lea ua oo atu i le itumalo o Dnipropetrovsk.
I le amataga o le masina o Iuni sa faaāta ane ai e le fitafita a Lusia ana osofa’iga i le itumalo lea peita’i o lea la ua oo lava ina taunuu ma ua lipotia ua lua nuu i totonu o le itumalo lea ua nofoia nei e Lusia.
Fai mai o le itumalo lea a o le’i faia le taua sa aumau ai tagata e silia ma le 3 miliona peita’i ua faaitiitia le faitau aofa’i i le taimi nei a o talitalia ai pea se lipoti lata mai i se feiloa’iga a Zelensky ma Putin pe taunuu pe leai foi.
Puna o Faamatalaga: https://www.bbc.com/news/articles/c17n1p24yv9o
