Ua amata nei le toe faafoi ane e Ukraine ma Lusia o tagata sa ave faapagota i le taimi o taua i le va o atunuu e lua ma ua faamaonia mai lea e sui o ia malo i le lipoti a le CNN, o le to’atele o fitafita.
O le maliega na oo iai talanoaga mai le vaiaso talu ai sa faataunuu i Take lea ua faataunuuina ma oi latou ua toe faafoi ane e aofia ai i latou e i lalo o le ta’i 25 tausaga le matutua, o e sa manunua tigaina pei ona faamaonia e le ta’ita’i o Ukraine i lea lava lipoti.
Fai mai a ia ua toe foi ane o latou tagata i le atunuu ma o le a faagasolo faavaega le faiga o fesuia’iga nei e lē gata ina toe faafoi ane e Lusia tagata Ukraine ae o le toe faafoi atu foi e Ukraine o tagata Lusia sa o latou pu’eina.
O le to’atele o i latou ua faasa’oloto nei na tapu’e lava ma ave faapagota i le 2022.
Ua faamaonia mai foi e se sui mai Lusia o le a toe momoli ane foi e Lusia le silia ma le 6 afe o tino maliliu o vaegā’au a Ukraine na fasiotia i le taua ma le to’atele na faamanu’alia.
Puna o Faamatalaga: https://edition.cnn.com/2025/06/09/europe/russia-ukraine-prisoner-swap-war-latam-intl
