Ua faailoa e le Peresetene o Ukraine o Volodymyr Zelensky o le a faaauau pea ona tau Ukraine mo lona sa’olotoga e ui e lē o faafofogaina le latou valaau mo se filemu.
Saunoa Zelensky ma lipotia i le BBC, latou te mana’omia le filemu i se faiga faai’uga e faia e i latou lava.
O faamatalaga ia a Zelensky ua faia i le mae’a faailoa e Moscow le osofa’ia e Ukraine o nofoaga tau malosi’aga a Lusia i le po anapo ma ta’ua ai sa faaaogā drones e osofa’i ai se tasi o nofoaga tele faaniukilia, power plant.
O le amataga foi o le vaiaso nei ua faamaonia ane ai e atunuu uma e lua, Lusia ma Ukraine ua mae’a faatinoina se isi fesuia’iga o pagota e 146 mai itu uma e lua.
Ua ta’ua foi i lipoti le faia o fiafia e faamanatu ai le aso o le tuto’atasi o Ukraine mai ia Lusia i le 1991.
Ua faafetaia ai e Zelensky le malo tele o Amerika ma isi atunuu tetele o le lalolagi i lo latou tutū faatasi ma Ukraine ma talosia ia faai’uina loa le taua i lo latou atunuu i se taimi e lē o toe mamao.
Puna o Faamatalaga: https://www.bbc.com/news/articles/czxy2v9dzgxo
