Ua saunoa manino le ta’itai o Ukraine, Volodymyr Zelensky i le BBC o le a teena e lona atunuu se fuafuaga a Lusia ina ia faamatuu atu ia i latou le faaitu o Donbas ona faato’ā faamuta lea o fetauiga.
Fai mai Zelensky o lona manatu o i o le a ono faaaogā mo nisi osofa’iga i le lumana’i.
Sa faia ia faamatalaga a Zelensky a o loma ai le fonotaga a Trump ma le ta’ita’i o Lusia e pei ona ta’ua atu i talafou i le aso ananafi.
Mo le taimi nei ua faailoa o loo faaauau pea osofa’iga a Lusia i le itu i Sasa’e o le taulaga o Dobropilla ma faasolo atu ai i isi faaitu o Ukraine.
Ta’ua e Zelensky o le faaitu lea o Donbas o loo nofoia isi ona pito e Lusia talu mai lava le 2014.
Ua ta’ua i lipoti a le BBC pe ā ma le 20 pasene o Teritori lava ia o Ukraine ua pulea nei e Moscow ma e ui e lē o toe faia ni faamatalaga lē lelei a Zelensky e faatatau ia Trump ae na tau aliali lagona lē fiafia ina ua fai lana faamatalaga e faatatau ia Alaska lea ua fuafua e fai ai le feiloa’iga a Trump ma Putin, fai mai Zelensky ua iloa atu ai lava le malo o Putin auā o lea ua mafai ona aga’i ese mai Putin mai le nofoaga sa aumau ai auā o lea ua faia le fonotaga i teritori o Amerika.
Ua talia pea nei la le i’uga o le feiloa’iga a Amerika ma Lusia a o maimoa atu iai le Atu Europa ma le lalolagi atoa.
Puna o Faamatalaga: https://www.bbc.com/news/articles/c4g6qd3k2peo
