Ua lapata’i mai Kyiv o le tulaga ua iai le sapalai o ‘au’upega mai Amerika mo Ukraine o le a atili faamalosia ai Lusia e faaumiumi le taua i Ukraine lea ua savalia nei le fā tausaga.
Faailoa mai e le Fale Pa’epa’e i le asō ua faaitiitia le sapalai o ‘au’upega mo Ukraine ma ua faia lea faai’uga i le mae’a o se iloiloga na faia i lagolago faamiliteli a Amerika o loo tuuina i isi atunuu.
Saunoa le ta’ita’i o Ukraine, Volodymyr Zelensky o loo faia feutana’iga i le va o atunuu e lua i le matāupu e faatatau i ‘au’upega ma e le’i au’ili’ili ane foi e Amerika poo ā tonu uta o ‘au’upega ia ua taofia mo le taimi nei.
Ua faitau piliona le fesoasoani a Amerika ia Ukraine i tulaga tau le militeli talu mai le amataga o le taua lea ia Fepuari 2022.
O le faamatalaga lata mai mai Lusia ua faailoa ai ua o latou fāoa teritori i le itu i Saute i Sasa’e o Ukraine e ui o loo tetee iai le militeli a Ukraine fai mai e lē moni.
Puna o Faamatalaga: https://www.bbc.com/news/articles/cgk33k204ddo
