Ua lapata’ia e le UK ona tagata mai le faimalaga atu i Isaraelu a o faaauau ai pea fetaua’iga i lea vaega o le lalolagi.

O le ofisa o le Foreign, Commonwealth and Development Office ua o latou fautuaina tagata Peretania ia taofia faigāmalaga i faaitu o loo tula’i mai ai vesiga i le taimi nei.

O le faai’uga o le vaiaso na faailoa ai e le UK ua faamatuu atu a latou vaaleletau i Sasae Tutotonu mo le faasauni lava i tulaga tau le puipuiga ma ua maitauina foi le siitia o le tau o le suāuu i le faai’uga o le vaiaso ma ua faailoa i finagalo o nisi mai lea faaitu afai e faifaitetele pea vesiga i lea faaitu, e i’u foi ina aafia ai ma le sapalai o le suāuu ma alu atili ai foi i luga ma lona tau.

Ua fautuaina foi e le UK o latou tagata o loo i Isaraelu i le taimi nei ina ia mulimulita’i i faatonuga e tuuina atu e pulega faalotoifale i nofoaga o loo iai ina ia malutia soifua.

Puna o Faamatalaga: https://www.bbc.com/news/articles/c1kvk8jpy3vo