O le a toe faafoi ane e le United Kingdom i Farani i ni nai vaiaso i latou na faimalaga atu i le UK i ni tama’i vaa ma o lea faiga o le a faatino i lalo o se polokalame fou faata’ita’i e pei ona saunoa iai le Palemia o Peretania o Kier Starmer.
O le maliega e pei ona lipotia e le BBC ua faaigoa one in one out o le a toe faafoi ane ai i latou ia sa malaga atu migrants i Farani e faafesuia’i foi ma tagata na faimalaga ane i Peretania, o asylum seekers ae o le a fua lava i su’esu’ega tau le puipuiga e tatau ona faatino muamua.
O se tasi lea o i’uga o le faigāmalaga a le Peresetene o Farani o Emmanuel Macron i le UK mo aso e tolu.
Ta’ua i le lipoti o lalo o le maliega fou lea ua faatulaga ai e oo atu i le 50 tagata e mafai ona faafoi ane i le va o atunuu e lua i totonu o le vaiaso, o i latou ia e faimalaga ane i vaa ma kolosi ai le nofoaga ua faaigoa o le Channel i tulaga faasolitulafono.
Puna o Faamatalaga: https://www.bbc.com/news/articles/c4g2edx410wo
