Ua molimauina le aafia ai o nisi o itu i Matu faapea le itu i Saute o le atunuu ona o le loulouā tele o le tau, ae o loo faamauina le faaauau pea ona vaaia o tulaga o loulouā o le tau.
I nisi o vaega o le State Highway 6 aga’i i le Lower Buller Gorge faasolo atu i le Inangahua Junction ma le Westport o loo faatumauina pea le tapunia.
Na molimauina foi le tele o lōlōga ma eleele solo ona o le mamafa o timuga i le amataga o lenei vaiaso.
Ua fautuaina avetaavale uma ina ia ‘alofia le aga’i atu i ia faaitu ona o le lē saogalemu.
Ta’ua e le pulenuu o Buller, e lē o se taimi muamua lea ua aafia ai lo latou aai, ona ua lē ‘asa lava se taimi ma aafia lo latou aai, ua pei ua fai ma masani le aafia i lōlōga tetele ona o timuga mamafa.
Faamauina o le aso lava ananafi e oo atu i le 45 milimita le tetele o lōlōga i totonu o le na o le 2 itula.
Ta’ua e le alii Pulenuu sa mafai ona tatali e ‘autu ma ālavai lōlōga peitai ua lē toe gafatia ni lōlōga ma ua faaalia ai nei le aga’i e talanoaina le faia o ni galuega faaleleia i ‘autu ma ālavai o le aai.
Sa fesoasoani atu foi le vaega o le tinemu ma le fesoasoani muamua i le tele o vaega o Aukilani e aveese laau pa’u’ū i luga o auala faapea pou eletise sa faaleagaina ma pa’u’ū ona o le malosi o matagi ma timuga.
Puna o Faamatalaga: https://www.rnz.co.nz/news/national/562231/weather-slips-power-outages-road-closures-with-more-rain-to-come
