Ua sauni nei Vanuatu e saini se maliega ma Saina, se maliega tau auaunaga faaleoleo e aofia ai ma pasika, drones ma isi meafaigaluega atoa ai ma avanoa mo polokalame faalea’oa’oga.
Ua folafola la e Vanuatu o le a o latou sainia le maliega lea ma Saina ae e lē o manino mai se faamatalaga e faatatau i le maliega na faia ma Ausetalia le Nakamal Pact.
Fai mai le RNZ ua faasolo pea taumafaiga a Saina e ala i foa’i o meafaigaluega mo Vanuatu ma ua faailoa foi e le minisita o leoleo a Vanuatu, Andrew Napuat ua malilie foi Saina e ave ane uilaafi e 20 mo leoleo, 20 drones ma isi meafaigaluega aemaise o fesoota’iga faavaomalo.
Lipotia e le ‘aufaasalalau mai Vanuatu pe ā ma le 700 afe le tau aofa’i o le foa’i, o lona uiga ua na o se vaega o le vaegatupe tele sa faatalanoaina ma Ausetalia i lalo o le Nakamal Pact.
Ua faailoa foi e le minisita e leai se sootaga o le maliega lea o loo feta’ua’ina ma Saina ma le Nakamal Pact ma Ausetalia.
E lē o ta’ua i le lipoti se faamatalaga mai ia Ausetalia e tusa o le maliega i le va ma Vanuatu pe o le a taunuu ona saini pe leai foi.
Puna o Faamatalaga: https://www.rnz.co.nz/international/pacific-news/573942/vanuatu-plans-to-sign-police-deal-with-china-while-nakamal-pact-with-australia-is-left-hanging
