O le faiga na kuka ai le moa, o le mafuaaga lea o le mama’i o le silia ma le 150 fanau aoga i le Iunivesite o Canterbury.
O le tala mai lea mai le New Zealand Food Safety ananafi i le mae’a su’esu’e ai, ma o lea na iai sui o le pulega i le Aso Gafua ma ananafi.
O fanau a’oga nei e nonofo i totonu o le iunivesite ma o le faiga na faia ai le moa i le Aso Sa lea na mama’i uma ai i lea po faasolo mai i le Aso Gafua.
O su’esu’ega o loo faasolo pea nei e lē gata o loo toe iloilo ai lelei le faiga o le gasesega o meataumafa i le tunoa a le iunivesite, faatalanoaga o le aufaigaluega ae faapea ai ma asiasiga masani.
E ese mai i su’esu’ega a le Food Safety o lea foi o loo galulue faatasi le iunivesite ma le matagaluega a le soifua mālōlōina faapea le matagaluega a le Primary Industries.
Ae i se tala lata mai i fanau aoga ua mama’i, e oo mai ananafi ua faasolosolo manuia e tusa ma faamaoniga mai le iunivesite.
Puna o Faamatalaga: Food Safety identify potential cause of Canterbury Uni student illness
