Ua faamanatu le taunuu atu o le vaa fou a le atunuu o Tuvalu mo le la’uina o pasese ma uta, le vaa ua faaigoa o le Manu Sina.

Fai mai lipoti a le RNZ o le vaa na faatau mai i le $30 miliona Amerika ma fesoasoani mai le Faletupe o Atina’e a Asia faatasi ai ma le 3 miliona mai le faigamalo a Tuvalu.

Na saunoa le Minisita o Fela’ua’iga, Simon Kofe o le vaa o le a fesoasoani tele i femalagaa’iga a le atunuu.

Ua faailoa foi o le vaa muamua lea ua fesoasoani atu ai le ADB e pei ona faailoa e so latou sui.

O le vaa ua fausia i fausaga faaonaponei ma o le a fealua’i i le va o motu o Tuvalu ma ua faailoa o le a mafai foi ona fai ai ni malaga i le va ma isi atunuu.

Ua faailoa le fiafia o le to’atele i Tuvalu i lenei faamanuiaga o le a faafaigofie ai feoa’iga a le atunuu i aso ta’itasi

Puna o Faamatalaga: https://www.rnz.co.nz/international/programmes/datelinepacific/audio/2018981739/tuvalu-receives-state-of-the-art-passenger-and-cargo-vessel