Ua faailoa i se lipoti le tuumalo o le afioga Faasavalu Dave Parker o se tamalii o le atunuu ua lauiloa i una tomai i le musika ma lona si’ufofoga mālie i fātuga o pese Samoa ma pese i le faapeletania.

Ua iloga foi le tautua a lea tamalii i le atina’e o tagata tafafao i lo tatou atunuu e pei ona sa avea ma sui o le Komiti Faatonu o le pulega o tagata tafafao i tausaga ua tuana’i, ae o loo atina’e foi sana taumafaiga o le apitaga o le Cloud 9 poo le Eco Lodge i Tapatapaō.

Ua lipotia o le Aso Lulu o lenei vaiaso na faamānavaina ai galuega i le ola nei a le afioga Faasavalu Dave Parker.

O ia e ana se tasi o ana fatuga le pese lauiloa o le “Tatala lou fatu”.