O lea ua faamauina le tele o nuu i tua o le itumalo o Tasman ua faailo le tuuitiitia o le saoasaoa faatulagaina o taavale. 

E ta’ua i lipoti, o le Aso Gafua o le a amata aloa’ia ai ona tauaveina taavale i le saoasaoa faatulagaina mo ia faaitu i le 80 kilomita i le itula mai le 100 kilomita i le itula sa iai.

O le a aofia ai Motueka Valley, Moutere Highways faapea ai le Dovedale, Edwards ma le Neudorf Roads. 

O Richmond, McShane Road, ua pa’ū le saoasaoa mai le 80 kilomita aga’i i le 50 kilomita i le itula.

Ae o Lower Queen Street o le a suia mai le 60 kilomita aga’i i le 50 kilomita ma le 80 kilomita aga’i i le na o le 60 kilomita. 

Ua faia ia suiga ina ua mae’a fetuuna’iga ma fuafuaga e lalago lea i faaitu o loo iai a’oga lea na faatautaia i le masina o Iulai faasolo mai le amataga o lenei masina. 

E telē foi le faanaunauga o le a tuuitiitia foi faalavelave tutupu i luga o auala, poo le lavevea ai o taavale. 

Ma ua fautuaina le to’atele o tagata avetaavale ina ia mata’itūina lelei nei suiga mo le saogalemu aemaise o faaitu o loo iai a’oga.

Ae o loo faailo e lata i le 300 laupapa faailoilo, o loo maitauina le moomia ona faatutū i auala ina ia mautinoa e iloa ma silafia ai e avetaavale ia suiga fou.

Puna o Faamatalaga: https://www.rnz.co.nz/news/national/569821/rural-tasman-highways-drop-to-80km-h