Ua faalauiloa mai nei se ripoti mai le AA i le tulaga maoa’e ua iai nei le tele o tupulaga talavou, ma lo latou taumafaiga e ‘alo ese mai le tele o aafiaga o soligatulafono o luga o ala tetele.
Faamauina i le lipoti a le AA, mai le tausaga 2013-2024 ua pa’ū maualalo le pasene o soligatulafono i luga o auala o fanau 15 i le 19 tausaga le matutua.
O le tagofia o le foeuli, a o faasuā’ava, ma faia fualaau faasāina ua 58% ua pa’ū ai le numera o soligatulafono, ma le 52% ua pa’ū ai soligatulafono o le lē faia o le fusipa’u.
Ta’ua e le sooupu o le AA, ua vaaia le telē o le suiga ua iai nei tupulaga talavou, i le tau’aveina o taavale ona o suiga na faataatitia mo le malupuipuia o tupulaga talavou, e pei o le:
- Tuu atu o le tausaga e mafai ai e le talavou ona tauaveina le taavale mai le 15 tausaga aga’i le 16 tausaga le matua.
- Tapu ona tagofia e se talavou e i lalo o le 20 tausaga le matua o se ‘ava malosi.
- Ma saga faamalosi aiaiga ma tulafono o le faia o su’ega o avetaavale ma isi.
Ae ui i se matagofie o taumafaiga ma le faaitiitia ai o le numera o tupulaga o aafia i nei faafitauli; o loo maitauina pea le tele o soifua ua ma’umau i faalavelave tau taavale i le atunuu, ma o Niu Sila le atunuu e maualuga ai lava le numera o tupulaga talavou e maliliu i faalavelave tau taavale e faatusatusa atu i atunuu tetele.
Ma ona o ia tulaga ua faamaonia mai ai le aga’i o le malo e toe iloilo polokalame faalea’oa’oga mo avetaavale poo le Graduated Driver Licensing System ma nisi o fuafuaga fou e saga faamalosia ai tulafono ma aiaiga i le faafoeina e le talavou o taavale i totonu o le atunuu.
Puna o Faamatalaga: https://www.rnz.co.nz/news/national/563474/young-drivers-offending-cut-by-half-in-a-decade-aa
