Ua tuuina atu nei se talosaga poo se petition o loo saini ai le silia ma le 15,000 e faatalosagaina ai le maua o nofomau mo tagata faigaluega ma I latou ua ova aso iinei poo overstayers

O le tausaga talu ai na amata tuufaatasia ai lea talosaga e le iuni a le Unite faapea le asosi o tagata faigaluega mai atunuu I fafo

O se talosaga ua tauaao nei e sui o le Komiti faapalemene mo aoga ma galuega

I totonu o lenei talosaga o loo valaau atu ai I le malo e faaaoga le Koviti o se avanoa e foia ai le faafitauli o loo iai nei le system o femalagaiga le tumau

Ae e le I oo mai le Koviti I Niu Sila, e silia ma le 300,000 tagata sa umia visa faigaluega faavaitaimi ma o le toatele o I latou nei ua maea tuuina atu iai polomisi o le maua o o latou avanoa nofomau, peitai, ua le taunuu

E ui I le maaleale o lenei mataupu, o loo talitonu lava I latou na tuufaatasia lenei talosaga o le a liuliu le tofa a le malo, fua I le taua tele o auaunaga ma sao o nei tagata faigaluega I le tamaoaiga o le atunuu