O faafitauli ma lu’itau sa feagai ma le ulufale atu o le faigāmalo a le Faatuatua i le Atua Samoa ua tasi i le mae’a o le palota tele o le tausaga e 2021, o se faatupu manatu lea i le Palemia o le malo tausi a o tapena le ulufale atu o le isi faigāmalo fou a le Faatuatua i le Atua Samoa ua tasi i le mae’a o le faigā filifiliga aoao a le atunuu i le faai’uga o le masina o Aokuso ua alu atu nei.
O le Aso Gafua o lenei vaiaso sa feiloa’i ai le Palemia o le malo tausi le afioga Fiame Naomi Mataafa ma faauluuluga o auaunaga eseese a le Malo, ma ave ai lana tuualalo ma faufautua ina ia tapena e ave le lagolago atoa i le Palemia filifilia ma lana pulegamalo o le a tauaveina i le Sa o Samoa mo le isi lima tausaga.
Le afioga i le Palemia o le malo tausi, afioga Fiame Naomi Mataafa i sona finagalo i le feiloa’iga ma le vasega o tusitala ma le aufaasalalau i le Aso Lua o lenei vaiaso.
