Ua oo i le tasi le afe 200 tagata i Samoa talu mai le masina o Aperila o le tausaga nei, ua aafia i le dengue fever poo le fiva o ponaivi.
Ua faailoa ai e le Sui Faatonu Sili o le matāgaluega o le soifua mālōlōina le alii foma’i, afioga Tagaloa Dr Robert Thompson, talu mai le vaiaso ua mavae sa faamauina ai le 300 o tagata ua aafia, o loo molimauina e selau lava gasegase i totonu o le vaiaso.
O se polokalame a le matāgaluega o le soifua mālōlōina e faatatau i le fiva o ponaivi ma le tulaga lata mai o loo iai lona pipisi sa faailoa ai e le Sui Faatonu Sili ia faamaumauga.
Ua faailoa ai foi e le alii foma’i o loo faauluulu iai le vaega o le falema’i i Motootua mo fanauiti, le tofa Ulugia Dr Tito Kamu ua tumu uma moega o lea vaega o le maota gasegase ma ua tatala ai ma le vaega faaopoopo poo le extension ona o gasegase o le fiva ponaivi ua aafia ai fanauiti, lea e pito to’atele lava i fanau mai le 15 tausaga ma lalo ifo o loo maua i āuga o lea faama’i.
Le alii foma’i le tofa Ulugia Dr Tito Kamu
