Tulaueleele manuia le faigamalaga a le Virgin Australia i Invercargill lea na ta’ua mai na vaaia e nisi le afi sau mai le afi o le vaalele.

67 le pasese faapea le aufaigaluega sa iai i luga o le faigamalaga lenei na tuua Queenstown faamoemoe mo Melepone i Ausetalia i le ta o le 6 i le afiafi ananafi, ma i faamaoniga mai le sui o le kamupani vaalele e leai se isi na afaina ai.

I ata na tapueina e nisi o loo iloa ai le afi sau mai le afi o le vaalele ma o loo toe molimau I tala a le 1News na faalogoina foi le pao leo tele sau mai le vaalele ao iai I luga o le vanimonimo.

Ae i le pasese sa i luga o le vaalele i lea taimi, o loo toe molimau o lea na logoina i latou e le kapeteni o le vaa, o lea na taia e manulele i le taimi na alu ese mai ai mai le malaevaalele I Queenstown.

O se molimau o loo toe faaluaina i le ripoti lea na sau mai le Virgin anapo.

Ua faafetaia ai e le Virgin Australia le malaevaalele i Invercargill aemaise o le lagolago a le toatele o le aufaigaluega i Niu Sila nei e tusa ma le fesoasoani atu anapo.

Puna o Faamatalaga: http://Virgin Australia flight lands in Invercargill after fire spotted from engine (1news.co.nz)