Na faamauina i nisi o ripoti ma faasalalauga i luga o upegatafailagi i le taeao nei le lūlū ai o se mafui’e i lona malosi e 6.0 i faaitu o le South Island pe tusa le o le toe 7 minute i le itula e 1 i le vaveao nei.
Ta’ua o nofoaga i saute e tu lalata i le matafaga o le atunuu, pe tusa lea ma le 115 kilomita matū i sisifo o Snares Islands, ma le 243 kilomita o saute i sisifo o Invercargill.
Māua i ripoti, e ui na faamauina le amata mai o le mafui’e i gataifale peitai na ta’ua le faalogoina o le malosi o le lūlūina o le mafui’e i le laueleele i itu saute o Invercargill, ma nofoaga e lata ane i le aai.
I faamatalaga mai tagatanuu o loo aumau i Dunedin faasolo atu i nofoaga tu lata i matafaga ma le gataifale o Otago na ta’ua lo latou faalogoina o le mafui’e. E 1,200 tagata na faailo pe na lipotia atu i le ofisa la latou faalogoina o le mafui’e.
E lei iai ni faailoilo o faalavelave faafuasei na faatino pe na faaalia, e lei iai foi ni fautuaga o se tsunami na māua. Ae na māua le mataituina ai e sui o galuega tetele ma faalavelave faafuasei o tulaga iai le malosi o le lūlū ai lea mafui’e.
Ae ua fautuaina e tagata popoto i tulaga o faalavelave faafuasei ma faalavelave faalenatura, e lelei lava le nofo sauniuni i soo se taimi tusa lava pe na o si taimi e lūlūina ai se mafui’e.
Puna o Faamatalaga: New Zealand Brand
