O le 12 o le vaeluaga o le aso muamua o le masina fou lenei o Iulai na amata maua ai faamanuiaga o le dividend a tagata fai saofaga o le NPF, o i latou e maua seleni mai le 4 pasene o le tufatufaga lona lua o lenei tausaga.
E 6 pasene le aofa’iga atoa o le pasene o lea faamanuiaga peita’i o le 2 pasene ua teu pe tuusa’o i teugatupe a le ‘au fai saofaga i le NPF ae o le 4 pasene ua tala ma tuusa’o i aao o tagata fai saofaga.
Ua faailoa e le Minisita o Tupe o loo iai ma le vaaia o le faalapotopotoga o le faaputuga tupe o le lumana’i manuia o tagata poo le NPF, o le tufatufaga ua faatino i le masina lenei ua amata ai le isi tausaga faaletupe ua maua ai le 112 miliona tālā ua faamatuu atu mo lea faamanuiaga i tagata fai saofaga e amata mai i le masina o Fepuari lea na muamua totogi ai le 4 pasene, ae oo mai i le masina lenei o Iulai ua faamatuu atu le 6 pasene e maua ai le aofa’iga e 12 pasene o le faamanuiaga lenei ua totogi atu i le ‘au fai saofaga.
Talu mai le tausaga e 2023 sa totogi atu ai le faamanuiaga e 8 tesimale 3 pasene, o le tausaga na sosoo ai 2024 na siitia i le 9 pasene, ma ua faaauau le siitia o le faamanuiaga o le dividend i le tausaga nei e pei ona ausia le 10 pasene.
