Ua valaau nei le komiti mo le kava i Tonga le Tonga Kava Committee i le malo o loo mana’omia e le au totō ‘ava i le atunuu se fesoasoani i mea e faatino ai le galuega ma faaleleia ai le sapalai o le kava i le atunuu.

Na faailoa e le sui o le komiti lea i le leitio faavaomalo a Niu Sila o aafiaga lē lelei o le tau ua aafia ai lea auaunaga ma o le mamafa o timuga lea e masani ona faamauina mai ia Novema ia Aperila o tausaga ta’itasi e fai lava si tele o ona aafiaga i faato’aga.

Faamatala e le au faifaato’aga e tele tupe e alu i le taimi lea o le mamafa o timuga aemaise ona e tau faamago le ‘ava ma afai e faaaogā masini e tele foi le tupe e faaalu ai.

Fai mai le komiti o soo se faifaato’aga ‘ava i le atunuu e tatau ona maua se fesoasoani aemaise lava i le taimi lenei ma le siitia o le tau ua ave atu ai lea oloa i maketi i fafo e pei o Amerika.

Puna o Faamatalaga: https://www.rnz.co.nz/international/pacific-news/561748/tonga-kava-committee-calls-for-more-support-for-growers