O le aso 20 o Novema lea ua faatulaga e faia ai foi le palota a le malo o Tonga mo le faatutūina o sui e to’a 17 i le Palemene a le atunuu.
O lē o loo faauluulu iai faigāpalota a le atunuu o Pita Vuki na ia faamaonia ane i le RNZ o loo faatali le latou ofisa mo le poloa’iga o le faigāpalota mai le tupu o Tupou VI.
O loo ua faatulaga o le aso 8 ma le 9 o Oketopa ua tatau ona faatutū ai suafa o sui tauva.
O le palota talu ai a Tonga sa faia i le aso 18 o Novema i le 2021.
E 17 sui e filifilia mai le palota ma le to’a 9 e faatutū mai le aigatupu e atoa iai sui e 26 o le fono faitulafono le legislative assembly.
O le taimi nei ua amata faigā campaigns i motu uma o le malo ma o le Palemia o loo iai nei o Dr Aisake Valu Eke faapea lē sa avea muamua ma Palemia o Siaosi Sovaleni o le a tamomo’e uma i le faigāpalota lea.
Puna o Faamatalaga: https://www.rnz.co.nz/international/pacific-news/572522/tonga-sets-general-election-date-for-20-november
