O loo faatali pe faailoa e le faigāmalo a Tonga ni faamatalaga e faatatau i le osofa’ia poo le gaoia o faamatalaga faalilolilo tau le soifua mālōlōina lea o loo feta’ua’ina na tupu i le 10 aso ua tuana’i.
O loo lipotia e le leitio faavaomalo a Niu Sila e fā aso talu ona tupu lea tulaga ae faailoa loa i le Palemene a le atunuu faatasi ai ma le faatonu ane o se peimeni e faia atu.
Ua faailoa i le lipoti o se tagata e telē le tomai i auaunaga ia cyber expert mai Ausetalia ua atoa nei lona vaiaso i Tonga ma ua feta’ua’ina foi le aga’i ane ma nisi foi tagata su’esu’e.
O le popolega o le tagofia e i latou ua faatinoina lea osofa’iga, o faamaumauga tau le soifua mālōlōina o tagata ma aafiaga foi i le faatinoina o galuega i le matāgaluega o le soifua mālōlōina.
Ua valaau ai nei lē sa avea muamua ma Palemia o Tonga, Siaosi Sovaleni e mana’omia se faamalamalamaga atoa o lea matāupu mai le malo.
O le faamatalaga a leoleo o loo manana’o mai le ‘au hackers e totogi atu tupe ma e faitau miliona o loo ta’ua.
Puna o Faamatalaga: https://www.rnz.co.nz/international/pacific-news/565178/tonga-s-government-mum-on-health-cyber-breach
