O loo lototele le Palemia o Tonga, Dr Aisake Valu Eke o le a sologa lelei le palota a lona atunuu ma ua ia ta’ua o loo taula’i foi lana faigamalo i le faatinoina o le mafai e gata ai ma o le a tuu lava i le faitalia a le atunuu isi vaega uma.

O Novema e toe faatino ai le palota a le atunuu ma ua saunoa le Palemia o le a fai lava le filifiliga a tagata ma ua ia faamaonia ane foi o le a toe tauva mo lona nofoa mai lona itumalo o Tongatapu 5.

Na ia faailoa foi e iai mea ua o latou faaleleia talu ona tula’i mai aemaise lava i auaunaga lautele.

Na ia faaalia o loo galulue foi i le matāupu e faatatau i galuega faavaitaimi o loo auai ai o latou tagata i Niu Sila ma Ausetalia ma o loo iai foi ni popolega i lea tulaga ona o nisi o aafiaga lē lelei ua maitauina ai i soifua o tagata ma nisi aiga ua nofo eseese ai.

Puna o Faamatalaga: https://www.rnz.co.nz/international/pacific-news/560781/we-let-people-decide-tongan-pm-aisake-eke-optimistic-ahead-of-november-election