Ua ioeina e le alii taalo o le Lapiki mai Sini i Saute poo le South Sydney Rabbitohs le tulaga ogaoga o lana gaioiga na faia i le ‘afa a le Warriors, Shaun Johnson i le vaiaso talu ai ma ua faasalaina ai e tolu taaloga e faamalolo ai.

Ua faailoa mai i le asō le faaiuga lea a le pulega o le lakapi liki i le mataupu lea o lona uiga o le a misia ai foi e Lattrell Mitchell taaloga a lana ‘au ma le Sharks, Storm ma le Panthers.

O le fetauiga a le Rabbitohs ma le Warriors i le faaiuga o le vaiaso na malo ai le Warriors i ‘ai e 34-4 ae ua pito ai i lalo o le faasologa o ‘au le lapiki e na o le tasi le malo mai taaloga e lima.

Vaaia le tulaga lelei o tapenaga a le Warriors i le taaloga lea aemaise o le toe foi atu o le alii taalo lauiloa a Niu Sila o se alo foi o Samoa, Roger Tuivasa Sheck lea foi na sikoa i lea taaloga.

Puna o Faamatalaga: https://www.newshub.co.nz/home/sport/2024/04/nrl-south-sydney-rabbitohs-star-latrell-mitchell-cops-three-week-ban-for-elbowing-warriors-shaun-johnson.html