O le masina o Me o le tausaga na te’a nei ma le masina o Mati o le tausaga nei na osofa’i ai e le taule’ale’a o Loli Semo Samau poo Ualalei Semo o Patamea ma Leonē le fale o se aiga i Malifa ma nisi osofa’iga se lua i le fale’aiga o le Scalini Restaurant i Motootua.
Sa ia toesea ai ni meatotino taugatā e pei o se laptop ma se telefoni Iphone.
Na gaoia ai foi ma ni fagu malosi taugatā o le tasi o fagu e $350 tala.
Sa tula’i o ia i le Faamasinoga Maualuga ma ia ioeina ai ona moliaga lea ua faaalia e le faamasinoga o se tasi lea o tagata ua lē saogalemu ai meatotino auā sa ia talepe ma ulufale faamalosi iai ma aveesea faagaoi ai meatotino taugatā.
O lona faasalaga ua amata tuli e 3 tausaga ma le 9 masina i le falepuipui.
