E to’atasi le tagata ua maliu ma le isi to’alua ua manunu’a mai se faalavelave tau taavale e tolu taavale na lavevea ai i le itu i Saute i Sisifo o Melepone i le po anapo.
O le faaitu o Laverton North na tupu ai le faalavelave i le te’a o le 10 i le po anapo ma e talitonu leoleo o le taavale lanu uliuli o le Ford Ranger na soso’a atu ai le isi taavale o le Mitsubishi na aga’i ane i lea faaitu, aafia atu ai ma le isi taavale o le Volkswagen.
Ua ta’ua e le 9News o le pasese sa i tua o le Ford lea ua feta’ua’ina ua maliu ae o le avetaavale o loo manu’a tigaina i le falema’i ae le’i aafia le pasese sa i le pito i luma o le Ford.
O loo faagasolo nei le su’esu’ega a leoleo i lenei faalavelave.
Puna o Faamatalaga: https://www.9news.com.au/national/laverton-north-one-dead-another-injured-after-horror-threecar-crash-in-melbourne/ae79a89d-b267-4ebd-809f-b512f7c6bff6
