O le Aso Gafua o le vaiaso fou lea o le a faaauau ai le faamasinoga i le mataupu na tuuina atu e le Vaega faaupufai a le Faatuatua i le Atua Samoa ua tasi le FAST faasaga i le nofoa faaopopo a Tamaitai o le Palemene ona e iai nisi o vaega faaletulafono o loo fesiligia e faamasino.
O lenei mataupu e toatolu faamasino o loo faatautaia ma ua fautuaina ai Loia o vaega e lua e toe tapena lelei mo le vaiaaso fou.
Ae le gata i lea, ua faaui i tua le talosaga a le vaega faaupufai a le FAST na faia faasaga i le sui a faipule o Faasaleleaga #5 ia Peseta Vaifou Tevagaena ua faamaonia mai i sueusega a Loia e le sa’o tuuaiga na tuuina atu e le faamasinoga i le Vaega faaupufai a le FAST faasaga le afioaga ia Peseta, ma ua toe faamaonia ai le manumalo ai pea o Peseta i le faigapalota o lea itumalo.
