Ua toe tolopō mo se isi vaiaso le tolaulauga o le iuga o le faamasinoga a se alii Leulumoega Tuai lea na o loo tuuaia i lona faia o ni lafoga taufaamata’u faasaga i ni faamasino o le faamaisnoga maualuga a le atunuu. 

O le alii o Iakopo Falefatu na ia faia ni faasalalauga i luga o le Facebook i le masina o Iuni o le tuasaga nei e faapea o loo ia fealuai ma le laau malosi o le ituaiga “38 revolver” ma se pulufana e tatau ona faga ai faamasino (sei tulou) e to’a lua e aofia ai le afioga ia Vui Clarence Nelson ma le tamaitai Faamasino ia Niavā Mata Tuatagaloa. 

Na ioe Iakopo i ona moliaga o le faia o faamatalaga faamata’u ma na tolopo mo le masina o Aukuso ma tuuina mai ai le masina o Novema o lea tolaulauga peitai o lea foi ua toe tolopo mo leisi vaiaso. 

Ina ua fesiligia e le faamaisnoga lea alii faatatau i ana faamatalaga i luga o le Facebook na ia taua ai “Lau afioga e leai sa’u faga” na ia taua foi ua na’o ni tala faafefe ae le’i iai sona manatu e faataunuuina. 

Na faailoa foi le salamo moni o lea alii i luma o le faamasinoga ma ua tolopo ai le lauina o lona iuga mo le isi vaiaso.